AZƏRBAYCAN RESPUBLİKASININ PREZİDENTİ ZATİ–ALİLƏRİ CƏNAB İLHAM ƏLİYEVƏ
Azərbaycanın Respublika günü münasibətilə Amerika xalqı adından Sizi təbrik edirəm. Azərbaycan Respublikası 86 il bundan əvvəl ilk dəfə olaraq öz müstəqilliyini bəyan etdiyi andan indiyədək dünya çox dəyişmişdir. Dəyişməyən yalnız Azərbaycan xalqının zəngin adət-ənənələri və mədəni irsidir.
Mən Azərbaycanın Birləşmiş Ştatlar ilə 21-ci əsrin ilk illərində möhkəm tərəfdaşlığını alqışlayıram, çünki biz sülh, regional sabitlik, iqtisadi inkişaf və demokratiyaya keçid üçün birlikdə çalışırıq. Bizim əsgərlərimiz terrorizmə qarşı mübarizədə və sülh naminə bir yerdə xidmət edirlər. Amerikalılar Azərbaycanın töhfəsini yüksək qiymətləndirirlər.
2004-cü ilin Respublika günü münasibətilə Azərbaycan xalqına mənim təbriklərimi və xoş arzularımı çatdırmağınızı xahiş edirəm.
Səmimiyyətlə,
Corc Buş
Amerika Birləşmiş Ştatlarının Prezidenti
Bölmənin digər xəbərləri
