Azərbaycan stendi “Ən yaxşı təşkil olunmuş stend” elan edilib
Bakı, 2 fevral, AZƏRTAC
Ölkəmiz “EMİTT 2019” Şərqi Aralıq dənizi Beynəlxalq Səyahət və Turizm Sərgisində iştirakını uğurla davam etdirir.
Sərginin üçüncü günü təşkilatçılar tərəfindən Azərbaycan stendi “Ən yaxşı təşkil olunmuş stend” nominasiyası ilə təltif olunub.
Dövlət Turizm Agentliyindən AZƏRTAC-a bildirilib ki, İstanbulda yanvarın 31-dən fevralın 3-dək davam edəcək sərgidə ölkəmizin stendinə yerli türk turizm şirkətləri, digər ölkələrin turizm şirkətləri və ziyarətçilər tərəfindən böyük maraq göstərilir.
Qeyd edək ki, 2018-ci ilin noyabrında Londonda keçirilən “Dünya Səyahət Bazarı” (WTM 2018) sərgisindən başlayaraq bütün beynəlxalq sərgilərdə Azərbaycan stendi yeni loqo və brend konsepsiyasına uyğun olaraq dizayn edilir.
Bölmənin digər xəbərləri
