Azərbaycan Suriya üzrə Üçüncü Donor Konfransında təmsil olunacaq
Tehran, 22 mart, AZƏRTAC.
Martın 29-da Əl-Küveyt şəhərində Suriya üzrə Üçüncü Donor Konfransı keçiriləcək.
AZƏRTAC xəbər verir ki, konfransda Avropa, Asiya və Yaxın Şərq dövlətlərinin təmsilçiləri, Birləşmiş Millətlər Təşkilatının Baş katibi Pan Gi Mun, İslam Əməkdaşlıq Təşkilatının və Avropa İttifaqının nümayəndələri iştirak edəcəklər.
Dünyanın 72 dövlətinin təmsilçisinin iştirak edəcəyi tədbirdə Azərbaycanı Baş nazirin müavini Əli Həsənov təmsil edəcək.
Əli Həsənov konfransda çıxış edərək Suriya münaqişəsinə dair Azərbaycanın mövqeyini bildirəcək, ölkəmizin də Ermənistan tərəfindən işğala məruz qalmasını tədbir iştirakçılarının diqqətinə çatdıracaq.
Küveyt Əmirliyinə səfəri çərçivəsində Əli Həsənovun bu dövlətin rəsmi şəxsləri ilə bir sıra ikitərəfli görüşləri də nəzərdə tutulub.
Rabil Kətanov
AZƏRTAC-ın xüsusi müxbiri
Tehran
Bölmənin digər xəbərləri
