AZƏRBAYCAN VERGİLƏR NAZİRLİYİ NÜMAYƏNDƏ HEYƏTİNİN QARDAŞ TÜRKİYƏYƏ SƏFƏRİ MƏSULDAR VƏ FAYDALI OLMUŞDUR
Səfərdən məqsəd Azərbaycanın Vergilər və Türkiyənin Maliyyə nazirlikləri arasında əməkdaşlığın inkişaf etdirilməsi ilə bağlı müzakirələr və təcrübə mübadiləsi aparmaq olmuşdur.
Vergilər naziri Fazil Məmmədovun başçılıq etdiyi nümayəndə heyətinin səfər çərçivəsində Türkiyənin maliyyə naziri Kamal Unakıtan və nazirliyin Gəlirlər İdarəsinin rəhbəri Osman Arifoğlu ilə görüşlərində dövlətlərimiz arasında maliyyə və vergi sahəsində əməkdaşlığın inkişaf etdirilməsi perspektivləri, həmçinin qarşılıqlı maraq doğuran digər məsələlər müzakirə olunmuşdur.
Nümayəndə heyəti Gümüşdərə Məlumat İşlənilmə Mərkəzinin fəaliyyəti ilə tanış olmuşdur. Burada azərbaycanlı mütəxəssislərə vergilərə dair məlumatların işlənilmə qaydaları, Türkiyədə elektron bəyannamə ilə bağlı görülən işlər barədə ətraflı məlumat verilmişdir. İqtisadi İnkişaf və Əməkdaşlıq Təşkilatının Ankaradakı Çoxtərəfli Vergi Mərkəzi ilə tanışlıq da təcrübə mübadiləsi baxımından Azərbaycan Vergilər Nazirliyinin nümayəndə heyəti üçün faydalı olmuşdur.
Bölmənin digər xəbərləri
