Azərbaycan yığmaları seçmə mərhələni 1 xalla başa vurublar
Bakı, 19 noyabr, AZƏRTAC
Azərbaycanın aşağı yaş qrupları üzrə iki yığması Avropa çempionatının seçmə mərhələsində növbəti oyunlarını keçirib.
AZƏRTAC xəbər verir ki, U-17 millisi 6-cı qrupdakı üçüncü sınağında Rumıniya ilə qarşılaşıb. Buftya şəhərində reallaşan görüş qollu heç-heçə ilə yekunlaşıb – 1:1.
Komandamız qrupda daha əvvəl keçirdiyi oyunlarda Macarıstana 0:4, Yunanıstana isə 0:3 hesabı ilə məğlub olmuşdu.
Azərbaycanın U-19 millisi isə Moldova ilə üz-üzə gəlib. Kişineuda yerləşən “Zimbru-2” stadionunda keçirilən matç 2:2 hesablı heç-heçə ilə nəticələnib. Yığma ilk oyunda İslandiyaya 0:2, ikinci matçda isə İrlandiyaya 0:4 hesabı ilə uduzub.
Bölmənin digər xəbərləri
