Azərbaycanda bütün idman növləri inkişaf etməlidir
Bakı, 1 oktyabr (AZƏRTAC). Azərbaycanda bütün idman növləri inkişaf etməlidir
AZƏRTAC xəbər verir ki, bu sözləri kompakt-sportinq üzrə Qran-Pri Beynəlxalq turnirinin qalibləri ilə görüşündə gənclər və idman naziri Azad Rəhimov demişdir.
A.Rəhimov bildirmişdir ki, idmanın hər hansı bir növünə peşəkarlar, sözün əsl mənasında idmana vurğun, can yandıran insanlar gəlirsə, o halda inkişafdan danışmaq olar. Sevindirici haldır ki, kompakt-sportinq idman növü ilə məşğul olan idmançıların sayı və onların qələbələri artır. Nazir 2016-cı il olimpiya oyunları siyahısına salınmış qolf, reqbi idman növlərinin nümayəndələri ilə keçirdiyi görüşlər haqqında da məlumat vermiş, bu sahələrdə uğurlar qazanmağın vacibliyini vurğulamışdır.
Tədbirin sonunda Qran- Pri turnirinin qalibləri mükafatlandırılmışlar.
Xatırladaq ki, kompakt-sportinq üzrə “Qran-pri Azərbaycan-2” beynəlxalq turnirində qadınların mübarizəsində Fidan Ağayeva, gənclər arasında Adəm Kərimli, kişi atıcıların yarışında isə İbrahim Həsənov fəxri kürsünün ən yüksək pilləsinə qalxmışlar.
Bölmənin digər xəbərləri
