Azərbaycanın daha bir cüdoçusu Avropa çempionatında bürünc medal qazana bilər
Bakı, 24 aprel, AZƏRTAC
Azərbaycan cüdoçusu Rəşid Məmmədəliyev Monteneqronun paytaxtı Podqoritsada keçirilən Avropa çempionatında yarımfinal görüşünə çıxıb.
AZƏRTAC xəbər verir ki, 73 kiloqram çəki dərəcəsində çıxış edən idmançı bu raundda Danil Lavrentevlə (IJF) üz-üzə gəlib.
Rəqibinə ipponla uduzan R.Məmmədəliyev bürünc medal uğrunda qüvvəsini sınayacaq.
Bu gün mübarizəyə qoşulan Fidan Əlizadə (57 kiloqram) isə 1/8 finalda məğlub olaraq turnirlə vidalaşıb.
Qeyd edək ki, ötən gün Azərbaycan cüdoçularından Əhməd Yusifov (60 kiloqram) bürünc medal qazanıb. Avropa çempionatına aprelin 26-da yekun vurulacaq.
Bölmənin digər xəbərləri
