AZƏRBAYCANIN NƏQLİYYAT SİSTEMİNİN İNKİŞAF PROQRAMI HAZIRLANIR

10.12.2005 [17:46]
Çap et
A⁺ A^-

Nəqliyyat Nazirliyindən AZƏRTAC-a bildirmişlər ki, ölkəmizin nəqliyyat sisteminin inkişafının 2006-2015-ci illəri əhatə edən Dövlət Proqramının layihəsi işlənib hazırlanmış və Nazirlər Kabinetinə təqdim edilmişdir.

Eyni zamanda, nazirlik həmin illərdə respublikanın avtomobil yollarının yenidən qurulması və inkişafı layihəsini də işləyib hazırlamışdır.

Dövlət Proqramı nəqliyyatın bütün sahələri üzrə infrastrukturların müasirləşdirilməsi, ölkəmizin nəqliyyat infrastrukturunun beynəlxalq nəqliyyat sisteminə inteqrasiyasını, eyni zamanda bu sahədə islahatların aparılmasını və qanunvericilik bazasının təkmilləşdirilməsini, əhalinin bütün növlərdən olan nəqliyyat vasitələrinə tələbatının təmin edilməsini nəzərdə tutur.

Proqramın həyata keçirilməsi, həmçinin nəqliyyat sahəsində xidmət göstərən müəssisələrin sağlam rəqabət mühitində fəaliyyətinə zəmin yaradacaqdır.