AZƏRBAYCANIN NÜMAYƏNDƏ HEYƏTİ AVROPA OLİMPİYA KOMİTƏSİNİN BAŞ ASSAMBLEYASINDA İŞTİRAK EDƏCƏKDİR
Milli Olimpiya Komitəsinin vitse-prezidenti Çingiz Hüseynzadənin başçılığı ilə Azərbaycanın nümayəndə heyəti Avropa Olimpiya Komitəsının Valensiyada keçiriləcək 36-cı Baş Assambleyasında iştirak edəcəkdir.
Gənclər və İdman Nazirliyinin mətbuat xidmətindən AZƏRTAC-ın müxbirinə bildirmişlər ki, assambleyada BOK-un, AOK-un təmsilçilərinin hesabatları dinləniləcək, 2008-ci (Pekin), 2010-cu (Vankuver), 2012-ci (London), 2014-cü (Soçi) illərin Yay və Qış Olimpiya Oyunlarına hazırlıq işlərinin təqdimatı keçiriləcəkdir. 2016-cı ildə Olimpiadanı ölkəmizdə keçirmək niyyəti ilə bağlı həmin təqdimatlar Azərbaycan üçün çox maraqlıdır.
Tədbirin sonuncu günü, dekabrın 1-i Avropa Gəncləri Olimpiya Komitəsinə həsr olunacaqdır. Həmin gün Gənclərin 2009-cu ildə Polşada keçiriləcək Qış və Finlandiyada keçiriləcək Yay Olimpiya festivallarına hazırlığın gedişi haqqında məruzələrin dinlənilməsi nəzərdə tutulur.
Bölmənin digər xəbərləri
