Azərbaycanın Rusiyadakı səfirliyi Türkiyəyə səfər etmək istəyən vətəndaşlarımıza pasportla bağlı müraciət edib
Moskva, 11 noyabr, AZƏRTAC
Məlum olduğu kimi, avqustun 13-dən “Azərbaycan Respublikası Hökuməti və Türkiyə Respublikası Hökuməti arasında qarşılıqlı olaraq vizadan azad etmə haqqında Saziş” qüvvəyə minib.
Sazişə əsasən, Türkiyə Respublikasına səfər edən Azərbaycan Respublikası vətəndaşının pasportunun etibarlılıq müddəti ən azı 6 ay olmalıdır.
Bununla əlaqədar Azərbaycanın Rusiyadakı səfirliyindən AZƏRTAC-a bildiriblər ki, Türkiyəyə səfər etmək istəyən, ya da Azərbaycana Türkiyə ərazisindən getməyə hazırlaşan Azərbaycan vətəndaşları pasportlarının etibarlılıq müddətinə diqqət yetirməli və onun bitməsinə 6 aydan az vaxt qalıbsa, mütləq yenisi ilə əvəzləməlidirlər.
Fəridə Abdullayeva
AZƏRTAC-ın xüsusi müxbiri
Moskva
Bölmənin digər xəbərləri
