Azərbaycanın sərbəst güləş komandası Gimnaziadanı 10 medalla başa vurub
Luçani, 6 aprel, Cavid Əliyev, AZƏRTAC
Azərbaycanın sərbəst güləş komandası Serbiyada keçirilən Gimnaziada İdman Oyunlarında uğurla çıxış edib.
AZƏRTAC xəbər verir ki, komandamız yarışı 10 medalla başa vurub.
Son görüşlərdə Xəyal Şükürlü (68 kiloqram), Elvin Nəcəfzadə (75 kiloqram) və Tural Eynullayev (85 kiloqram) bürünc medallar qazanıblar.
Qeyd edək ki, daha əvvəl Elman İsmayılov (38 kiloqram), İbrahim Həsənov (44 kiloqram) qızıl, Hüseyn Rzazadə (41 kiloqram), Fərid Hüseynli (52 kiloqram), Məhəmməd Həsənli (62 kiloqram) gümüş, Tamerlan Namazlı (48 kiloqram) və Elcan Həsənov isə (57 kiloqram) bürünc medallara yiyələniblər.
Bölmənin digər xəbərləri
