Azərbaycanın turizm potensiyalı Varşavada keçirilən beynəlxalq turizm sərgisində nümayiş olunur
Bakı, 29 noyabr (AZƏRTAC). Polşanın paytaxtı Varşavada keçirilən “TT Warsaw 2013” beynəlxalq turizm sərgisində ölkəmizi
Mədəniyyət və Turizm Nazirliyinin nümayəndə heyəti təmsil edir.
Nazirliyin mətbuat xidmətindən AZƏRTAC-a bildirmişlər ki, Azərbaycanın ilk dəfə iştirak etdiyi sərgidə ölkəmizin turizm potensialı 26 kvadratmetrlik pavilyonda nümayiş olunur. Burada ölkəmizin görməli yerləri, mədəni-tarixi abidələri, mehmanxana və turizm obyektləri rus və ingilis dillərində hazırlanmış xüsusi reklam çap məhsulları vasitəsilə təbliğ edilir.
Noyabrın 30-dək davam edəcək sərgiyə Azərbaycanla yanaşı, 64 ölkəni təmsil edən 650-dən çox şirkət qatılmışdır.
Bölmənin digər xəbərləri
