Azərbaycanın U-17 komandası Ukrayna yığması ilə qarşılaşıb
Sarayevo, 24 oktyabr, AZƏRTAC
On yeddi yaşadək futbolçulardan ibarət Azərbaycan milli komandası oktyabrın 24-də Avropa çempionatının seçmə mərhələsində ilk oyununu keçirib.
AZƏRTAC xəbər verir ki, Bosniya və Herseqovinanın Kakanj şəhərində keçirilən Ukrayna-Azərbaycan oyunu 5:2 hesabı ilə rəqib komandanın xeyrinə başa çatıb. Millimizin qollarını 77-ci dəqiqədə Hüseyn Hüseynov və 83-cü dəqiqədə penaltidən Murad Məmmədov vurub.
Komandamız seçmə mərhələdə növbəti oyununu oktyabrın 27-də Lixtenşteyn yığmasına qarşı keçirəcək.
Nihad Budaqov
AZƏRTAC-ın xüsusi müxbiri
Sarayevo
Bölmənin digər xəbərləri
