AZƏRBAYCANLI İDMANÇILAR XƏZƏRYANI DÖVLƏTLƏRİN STOLÜSTÜ TENNİS ÜZRƏ KUBOK YARIŞLARINDA ÇIXIŞ EDİRLƏR
Bakı, 10 avqust (AZƏRTAC). Mahaçqalada Xəzəryanı dövlətlərin Stolüstü Tennis üzrə Birinci Açıq Kubok Yarışları keçirilir. Kişilər və qadınlar arasında komanda birinciliyi və şəxsi birincilik uğrunda ayrı-ayrılıqda yarışırlar.
Azərbaycan yığma komandasının baş məşqçisi Aleksandr Zudovun və məşqçi Fərhad İsmayılovun rəhbərlik etdiyi heyətdə səkkiz idmançı çıxış edir. Kişilərin birinciliyində Ramil Cəfərov, Əli Bayramov, Rafael Abramov, Orxan Qurbanov, qadınların birinciliyində isə Billurə Eminova, Rüfət Quliyeva, Səbinə Əhmədova və Nuranə Həmzəyeva mübarizə aparacaqlar.
Mükafat fondu 20 min avroya bərabər olan turnir avqustun 12-də başa çatacaqdır.
Bölmənin digər xəbərləri
