“AZƏRENERJİ”NİN YENİ İL HƏDİYYƏLƏRİ
Azərbaycan Respublikası baş nazirinin müavini Yaqub Eyyubov, “Azərenerji” Səhmdar Cəmiyyətinin prezidenti Etibar Pirverdiyev və şirkətin digər əməkdaşları yeni il ərəfəsində Mingəçevirdə olmuş, burada müvəqqəti məskunlaşmiş Ağdam, Kəlbəcər, Qubadlı, Füzuli və Cəbrayıl məcburi köçkünləri ilə görüşmüş, Ermənistanın təcavüzü nəticəsində ev-eşiklərindən didərgin düşmüş 18308 həmvətənimizə humanitar yardım göstərmişlər.
Görüşdə məcburi köçkünlərin ehtiyacları öyrənilmiş, onların elektrik enerjisi ilə təchizatını yaxşılaşdırmaq üçün “Azərenerji” Səhmdar Cəmiyyətinin hesabına əlavə transformator quraşdırmaq, müxtəlif mərasimlər keçirmək üçün bina tikmək qərara alınmışdır.
Yaqub Eyyubov və Etibar Pirverdiyev Azərbaycan DRES-indəki vəziyyətlə də tanış olmuş, burada çalışanların arzu və təkliflərini dinləmişlər. Stansiyada işləyən qaçqınların və məcburi köçkünlərin sosial problemlərinin həllinə xüsusi diqqət yetirilmişdir.
Bölmənin digər xəbərləri
