“AzerGold”un yeni istiqrazlarının ilk faiz ödənişi olub
Bakı, 2 may, AZƏRTAC
“AzerGold” Qapalı Səhmdar Cəmiyyətinin (QSC) yeni istiqrazlarının ilk rüblük faiz ödənişi həyata keçirilib. Ümumilikdə 300 min dollar həcmində vəsait istiqraz sahibləri arasında bölüşdürülüb.
“AzerGold”-dan AZƏRTAC-a bildirilib ki, ölkəmizin qiymətli kağızlar bazarının inkişafına, vətəndaşlara mənfəətli və etibarlı investisiya imkanı yaratmağa xidmət edən “AzerGold” istiqrazlarının nominal dəyəri 100 dollar, tədavül müddəti 3 il, ümumi dəyəri 20,000,000 (iyirmi milyon) dollardır. Yeni istiqrazlar illik 6 faiz kupon dərəcəsi ilə emissiya edilib.
Xatırladaq ki, “AzerGold” QSC tərəfindən istiqrazlar ilk dəfə 2020-ci ildə Bakı Fond Birjasında hərrac üsulu ilə kütləvi ticarətə buraxılıb. “PAŞA Kapital İnvestisiya Şirkəti” QSC-nin anderrayter qismində çıxış etdiyi “AzerGold” istiqrazları 3 illik tədavül müddəti ərzində investorlara 2,400,000 dollar məbləğində faiz gəlirləri qazandırıb.
Bölmənin digər xəbərləri
