“Azəriqaz” İstehsalat Birliyində iməcilik keçirilmişdir
Bakı, 31 mart (AZƏRTAC). Martın 31-də “Azəriqaz” İstehsalat Birliyinin (İB) daxili ərazilərində və Qaradağ kompressor stansiyasının sənaye zonasında iməcilik keçirilmişdir. İməcilikdə İB-nin idarəetmə aparatının əməkdaşları ilə yanaşı, Nəqliyyat və xüsusi texnika idarəsi və layihə-konstruktor bürosunun 500-ə yaxın işçisi iştirak etmişdir.
İB-nin ictimaiyyətlə əlaqələr şöbəsindən AZƏRTAC-a bildirmişlər ki, iməcilik zamanı əvvəlcədən əkinə hazırlanmış ərazidə 800-ə yaxın müxtəlif növ ting və bəzək ağacı əkilmiş, əvvəllər əkilmiş ağaclara aqrotexniki qulluq göstərilmişdir.
Həmçinin İB-nin struktur təşkilatlarının daxili ərazilərində də təmizlik və abadlıq işləri aparılmış, məişət və sənaye tullantıları xüsusi sahəyə daşınmışdır.
Bölmənin digər xəbərləri
