“Azərkosmos”un nümayəndəsi: Şirkət daxilində süni intellekt əsasında öyrədilmiş modellər yaratmağa çalışan mütəxəssislərimiz var
Bakı, 25 aprel, AZƏRTAC
“Azərkosmos”da Coğrafi İnformasiya Sistemləri (CİS) mərkəzi yaradılıb və şirkət daxilində obyektlərin aşkarlanmasının bütün növləri üzrə süni intellekt əsasında öyrədilmiş modelləri hazırlamağa çalışan mütəxəssislərimiz var.
AZƏRTAC xəbər verir ki, bu məlumatı “Azərkosmos”un nümayəndəsi Aynur Balakişiyeva Bakıda keçirilən STC2025 Kosmik Texnologiyalar Konfransında verib.
O qeyd edib: “Ancaq biz yenə də çox təcrübəli özəl şirkətləri dəstəkləməkdən və əməkdaşlıq etmək imkanından həmişə məmnun qalacağıq. Biz GIS komandamız tərəfindən təmin edilən və hazırlanan, ESRI proqramının davamı kimi bir çox modellərdən istifadə yolu ilə ESRI kimi təşkilatlar və proqram təminatının inkişafı şirkətləri ilə tərəfdaşlıq müqavilələrimiz çərçivəsində əməkdaşlıq edirik. Vurğulamaq istərdim ki, əməkdaşlıq çox vacibdir, çünki bir tərəfdən, dövlət müəssisəsi olmaqla yanaşı, həm də kommersiya təşkilatıyıq. Biz balansı qoruyub saxlayırıq və milli təhlükəsizliyə hörmət edirik”.
Bölmənin digər xəbərləri
