“Azərpoçt”: Beynəlxalq Poçt İttifaqının 28-ci Konqresində seçkilərdə Azərbaycan namizədliyini irəli sürüb
Bakı, 13 may, AZƏRTAC
Avropa və MDB Poçt Liderlərinin I Forumu Ümumdünya Poçt İttifaqı tərəfindən bu il Azərbaycanda keçirilən ikinci beynəlxalq tədbirdir. İlk beynəlxalq tədbir yanvarda keçirilib. Forumda 150-yə yaxın müxtəlif ölkələrin nümayəndələri iştirak edir, onlar arasında poçt sektorunun tənzimləyiciləri, nazirlik səviyyəsində nümayəndələr, milli poçt operatorlarının rəhbərləri var.
Tədbirin keçirilməsində əsas məqsədlərdən biri Azərbaycanın beynəlxalq arenada nüfuzunun artırılması məqsədini daşıyır.
AZƏRTAC xəbər verir ki, bu barədə jurnalistlərə açıqlamasında Azərbaycan Nəqliyyat və Kommunikasiya Holdinqinin (AZCON) tərkibində fəaliyyət göstərən “Azərpoçt” MMC-nin İdarə Heyətinin sədri vəzifəsini icra edən İsi Mustafayev deyib.
“Azərbaycanın poçt rabitəsinin inkişafı beynəlxalq platformalarda geniş təbliğ olunur. Dubayda keçiriləcək növbəti Beynəlxalq Poçt İttifaqının 28-ci Konqresində seçkilər prosesində Azərbaycan namizədliyini irəli sürüb. Məhz bu platformada bizim üçün imkanlar yaranır ki, Azərbaycanı dünya ölkələri arasında daha da tanıdaq, Azərbaycanda poçt rabitəsinin inkişafı barədə ətraflı məlumat verək”, - deyə İsi Mustafayev əlavə edib.
Bölmənin digər xəbərləri
