“Azərsu”nun sədr müavini Ağsuda vətəndaşlarla görüşəcək
Bakı, 9 dekabr, AZƏRTAC
Mərkəzi icra hakimiyyəti orqanlarının, digər idarəetmə qurumlarının rəhbərlərinin 2022-ci ilin dekabr ayında şəhər və rayonlarda vətəndaşların qəbulu cədvəlinə uyğun olaraq, “Azərsu” ASC-nin sədr müavini Köçərli Həsənov dekabrın 16-da Ağsu şəhərində Ağsu və İsmayıllı sakinləri ilə görüşəcək.
ASC-dən AZƏRTAC-a bildirilib ki, qəbul saat 10:00-dan başlayaraq Ağsu şəhəri Heydər Əliyev Mərkəzində keçiriləcək. Qəbulda sakinlərin aidiyyəti üzrə müraciətləri dinlənəcək.
Vətəndaşlar qəbul üçün Ağsu və İsmayıllı Sukanal sahələrinə, həmçinin 431-47-67 (daxili: 22-92, 22-93) nömrəsi və “[email protected]” elektron poçtu vasitəsilə ilə “Azərsu” ASC-yə müraciət edə bilərlər.
Bölmənin digər xəbərləri
