BAKI DÖVLƏT UNİVERSİTETİNDƏ CİSCO ŞƏBƏKƏ AKADEMİYASI AÇILMIŞDIR
Lokal Şəbəkə Akademiyası Rabitə və İnformasiya Texnologiyaları Nazirliyi, BMT-nin İnkişaf Proqramı və AzRENA təşkilatının birgə həyata keçirdikləri “Tədqiqat, təhsil və vətəndaş cəmiyyətinin inkişafı məqsədləri üçün internetə çıxış və infrastrukturun inkişaf etdirilməsi” (AzNET) layihəsi çərçivəsində yaradılmışdır.
CŞA proqramı müasir qloballaşma şəraitində internet texnologiyalarından istifadə edilməsi sahəsində kompleks tədris metodlarını həyata keçirir. Onun yaradılmasının əsas məqsədi şəbəkə texnikası üzrə mütəxəssislərin hazırlanmasıdır.
Açılış mərasimində çıxış edən rabitə və informasiya texnologiyaları naziri Əli Abbasov informasiya texnologiyaları sahəsində kadr hazırlığı ilə məşğul olacaq akademiyaların yaradılmasının zəruriliyini vurğulamışdır.
Bakı Dövlət Universitetinin rektoru, Milli Məclisin deputatı, AMEA-nın müxbir üzvü Abel Məhərrəmov təhsil sistemimizdə informasiya texnologiyaları ilə bağlı kursların təşkilinin əhəmiyyətindən danışmışdır.
Sonra Cisco Şəbəkə Akademiyası proqramının təqdimatı olmuşdur.
Bölmənin digər xəbərləri
