Bakı Fond Birjası ipoteka istiqrazları üzrə faiz və nominal ödənişləri açıqlayıb
Bakı, 1 iyun, AZƏRTAC
Bakı Fond Birjası (BFB) ipoteka istiqrazları üzrə faiz və nominal ödənişləri açıqlayıb.
BFB-dən AZƏRTAC-a bildirilib ki, İpoteka və Kredit Zəmanət Fondu tərəfindən emissiya edilmiş AZ2050008682 İSİN-li istiqrazın emissiya prospektinə əsasən, istiqrazlar üzrə faiz ödənişləri günündə faiz ödənişi ilə yanaşı istiqrazların nominal üzrə qalıq dəyərinin müəyyən bir hissəsinin (ipoteka örtüyünə daxil olan aktivlər üzrə əsas borc ödənişlərinə bərabər hissəsinin) ödənilməsi nəzərdə tutulub.
İpoteka və Kredit Zəmanət Fondundan daxil olan məlumata əsasən, mayın 31-də AZ2050008682 İSİN-li istiqraz üzrə növbəti faiz ödənişi emitent tərəfindən həyata keçirilib. Buna əsasən, mayın 31-dən etibarən sözügedən istiqrazın nominal üzrə qalıq məbləği 962.64 manat təşkil edir. Növbəti faiz ödəniş dövründə 3 faizlik faiz gəliri 962.64 manat məbləği əsasında hesablanacaq.
Bakı Fond Birjasında AZ2050008682 İSİN-li istiqraz ilə ticarət edərkən istiqrazların baza qiymətinin 962.64 manat olması nəzərə alınmalıdır.
Bölmənin digər xəbərləri
