BAKI-TBİLİSİ-CEYHAN ƏSAS İXRAC NEFT KƏMƏRİNİN TİKİNTİSİNDƏ “AZƏRKÖRPÜ” DƏ İŞTİRAK EDƏCƏKDİR
Bakı-Tbilisi-Ceyhan əsas ixrac neft kəmərinin tikintisində “Azərkörpü” Açıq Səhmdar Cəmiyyəti də iştirak edəcəkdir.
Açıq Səhmdar Cəmiyyətindən AZƏRTAC-ın müxbirinə bildirmişlər ki, əsasən, körpülərin və digər hidroqurğuların, mülki obyektlərin inşası, yol infrastrukturunun yaradılması ilə məşğul olan müəssisə Yevlax rayonunun ərazisində əsas ixrac neft kəmərinin tikintisi üçün sahələrin hazırlanması, müvəqqəti konstruksiyaların quraşdırılması, yolların çəkilməsi və s. işlərin görülməsilə əlaqədar Spay Kapaq\Petrofak Alyansı ilə saziş imzalamışdır. Saziş təqribən 1598636 ABŞ dolları dəyərindədir. Bu məbləğə, həmçinin bəzi başqa təşkilatların görəcəyi işlər də daxildir. Layihənin icrasına mart ayında başlanacaq və işlər oktyabrda sona çatdırılacaqdır. İnşaatçılar ötən il Sənğəçal terminalının genişləndirilməsində də fəal iştirak etmiş, Tekfen-Azfen Alyansının sifarişini yerinə yetirmişdir.
Bölmənin digər xəbərləri
