BAKIDA BOKS ÜZRƏ BEYNƏLXALQ TURNİRİN TƏNTƏNƏLİ AÇILIŞI OLMUŞDUR
Martın 18-də Bakı İdman Sarayında Beynəlxalq Həvəskar Boks Assosiasiyasının (AİBA) prezidenti, professor Ənvər Çoudrinin şərəfinə təşkil edilmiş ənənəvi beynəlxalq turnirin təntənəli açılış mərasimi olmuşdur. Xatırladaq ki, bu turnir Bakıda 7-ci dəfədir keçirilir. İlk beş turnir gənclər və yeniyetmələr arasında keçirilsə də, ötən ildən etibarən milli komandaların boksçuları da öz güclərini sınayırlar.
Martın 22-dək davam edəcək turnirdə on iki ölkədən 130-dək idmançı 11 çəki dərəcəsində qələbə uğrunda mübarizə aparacaqdır. Azərbaycan bu turnirdə üç komanda ilə təmsil olunur.
Yarış iştirakçıları - Özbəkistan, Türkiyə, Çin, Rusiya, Moldova, Pakistan, Malayziya, Küveyt, Qazaxıstan, İran, Gürcüstan, Azərbaycan komandaları tamaşaçıların alqışı və idman marşının sədaları altında salona daxil oldular.
Azərbaycan Milli Olimpiya Komitəsinin Prezidenti, AŞPA sədrinin müavini və Büro üzvü İlham Əliyev və AİBA-nın prezidenti Ənvər Çoudri açılış mərasimində çıxış etdilər.
Bölmənin digər xəbərləri
