BAKIDA EKOTURİZMƏ DAİR BEYNƏLXALQ KONFRANS VƏ EKSPERT QRUPUNUN GÖRÜŞÜ KEÇİRİLƏCƏKDİR

06.06.2010 [19:24]
Çap et
A⁺ A^-

Tehran, 7 iyun (AZƏRTAC). Azərbaycan Respublikası Mədəniyyət və Turizm Nazirliyi Ekologiya və Təbii Sərvətlər Nazirliyi ilə birgə iyunun 10-dan 12-dək Bakıda İqtisadi Əməkdaşlıq Təşkilatına (İƏT) üzv ölkələrin Ekoturizm üzrə 2-ci ekspert qrupunun görüşünü və “Ekoturizmin inkişafında ekoloji, iqtisadi və mədəni üstünlüklərinin müəyyən edilməsinin əsasları” mövzusunda beynəlxalq konfrans təşkil edəcəkdir.

Tədbirlərdə İƏT-ə üzv olan dövlətlərin nümayəndələrinin iştirakı nəzərdə tutulmuşdur.

Qeyd edək ki, Azərbaycan İƏT tərəfindən ekoturizm üzrə fəaliyyət proqramının əlaqələndiricisi təyin olunmuşdur. Artıq Mədəniyyət və Turizm Nazirliyi İƏT-ə üzv dövlətlərin ekoturizm sahəsində əməkdaşlığının (2010-2011) fəaliyyət istiqamətlərini işləyib hazırlamışdır.

Sabir Şahtaxtı

AZƏRTAC-ın xüsusi müxbiri

Tehran