BAKIDA FRANSIZ FİLMLƏRİ FESTİVALI AÇILMIŞDIR
Mərasimdə Fransanın ölkəmizdəki səfiri Amodrik dü Şafo çıxış edərək bildirmişdir ki, Fransa filmləri kinofestivalı Bakıda ilk dəfə keçirilir. Bakılılar sentyabrın 24-dək 10 filmə, o cümlədən 6 yeni filmə baxa biləcəklər. Proqramda fransız kinosunun ən yaxşı rejissorlarından biri Fransua Trüffönün filmləri də nümayiş etdiriləcəkdir. Yaxın vaxtlarda Fransada Azərbaycan səfirliyinin təşkilatçılığı ilə Azərbaycan filmləri festivalı keçiriləcəkdir.
Festivalın birinci günü iki film – rejissor Toni Marşalın “Venera” gözəllik salonu və Jan Labrünün “De, nə qədər istəyirsən?” filmləri göstərilmişdir.
Bölmənin digər xəbərləri
