BAKIDA IV BEYNƏLXALQ AUDİOVİZUAL FESTİVAL AÇILMIŞDIR

26.10.2004 [22:32]
Çap et
A⁺ A^-

AZƏRTAC xəbər verir ki, oktyabrın 26-da Bakıda IV Beynəlxalq Audiovizual Festival başlanmışdır. Azərbaycan Kinorejissorlar Gildiyasının keçirdiyi Gənclər, İdman və Turizm və Mədəniyyət nazirliklərinin, bir sıra başqa təşkilatların dəstəklədiyi festivalın “Nizami” kinoteatrında açılış mərasimi olmuşdur.

Azərbaycan Kino rejissorları gildiyasının prezidenti, xalq artisti Eldar Quliyev qonaqları salamlayaraq bildirdi ki, bu festival Azərbaycan Rejissorlar gildiyasının 5 illik yubileyi ilə eyni vaxta təsadüf etmişdir.

Gənclər, idman və turizm naziri Əbülfəz Qarayev, mədəniyyət naziri Polad Bülbüloğlu qonaqları salamlayaraq festival iştirakçılarına uğurlar arzulamışdır.

Müsabiqənin şərtlərinə görə, festivalda yaşı 35-ə çatmamış rejissorlar iştirak edə bilərlər. İlk dəfə olaraq ABŞ, İspaniya, Malayziya, Portuqaliya,

Avstraliya, Macarıstan və İran İslam Respublikasından da gənc rejissorlar festivala qatılmışlar.

Əvvəlki illərdən fərqli olaraq, bu dəfə qaliblər 7 nominasiya üzrə müəyyənləşdiriləcək və mükafatlandırılacaqlar.

Oktyabrın 30-dək davam edəcək festivalda xüsusi mükafatlar da təqdim olunacaqdır.

BAKIDA IV BEYNƏLXALQ AUDİOVİZUAL FESTİVAL AÇILMIŞDIR

MÜƏLLİFLƏ ƏLAQƏ

Bölmənin digər xəbərləri