Bakıda mehmanxana əməkdaşları üçün qonaqpərvərlik mövzusunda treninq təşkil ediləcəkdir
Bakı, 12 oktyabr (AZƏRTAC). Azərbaycan Turizm Assosiasiyasının (AZTA) dəvəti ilə Amerika Qonaqpərvərlik Tədrisi İnstitutunun (American Hotel and Lodging Educational Institute (AHLEI)) bir qrup əməkdaşı oktyabrın 15-də Azərbaycana gələcəkdir.
Bu barədə AZƏRTAC-a məlumat verən AZTA-nın icraçı direktoru Aydın Məmmədovun sözlərinə görə, bir müddət əvvəl Amerikanın adıçəkilən institutu ilə əməkdaşlıq müqaviləsi imzalanmışdır.
Sənədə əsasən, 2011-ci ilin sonunadək Azərbaycanda fəaliyyət göstərən mehmanxanalarda xidmətin keyfiyyətinin artırılması məqsədilə müxtəlif istiqamətlərdə treninqlər keçiriləcəkdir. Treninqlərə Bakı şəhərində, eyni zamanda, bölgələrdə yerləşən mehmanxanaların əməkdaşları cəlb ediləcəklər. Treninqlərin keçirilməsi üçün Amerikadan və Avropadan müəllimlər dəvət olunacaqlar.
İcraçı direktor onu da bildirmişdir ki, proqram bir ilə yaxın davam edəcəkdir.
Bölmənin digər xəbərləri
