Bakıda Olimpiya həftəsi çərçivəsində “Karate günü” keçirilib
Bakı, 10 dekabr, AZƏRTAC
Milli Olimpiya Komitəsi və Azərbaycan Milli Karate Federasiyasının (AMKF) dəstəyi ilə Bakıda Olimpiya həftəsi çərçivəsində “Karate günü” keçirilib.
AZƏRTAC xəbər verir ki, tədbirdə federasiyanın birinci vitse-prezidenti Rəhman Hətəmov karateçilərimizin qazandığı nailiyyətlər barədə ətraflı məlumat verib.
Sonra “Qara Qaplan” klubunun yeniyetmə karateçiləri və kata üzrə milli komandanın idmançıları nümunəvi çıxışlar göstəriblər. Tədbirdə uşaqlar arasında müsabiqələr təşkil edilib, qaliblər tanınmış karateçilər tərəfindən mükafatlandırılıb.
Tədbirin sonunda milli komandanın üzvləri ilə aftoqraf sessiyası təşkil olunub. Böyük maraqla qarşılanan tədbirdə milli komandanın üzvlərinə qiymətli hədiyyələr verilib.
Bölmənin digər xəbərləri
