BAKIDA “URALOÇKA”NIN İŞTİRAKI İLƏ VOLEYBOL TURNİRİ KEÇİRİLƏCƏKDİR
AZƏRTAC xəbər verir ki, yanvarın 8-də Azərbaycan Voleybol Federasiyasının idman zalında 4 komandanın iştirakı ilə “Azərcell Qış-2008” turniri start götürür.
Turnirdə Bakının “Azərreyl”, “Lokomotiv” və “Rabitə” komandaları ilə yanaşı, Rusiyanın “Uraloçka” komandası da iştirak edəcəkdir.
Xatırladaq ki, əvvəlcə “Uraloçka”nın paytaxtımızda “Azərreyl”lə bir neçə yoldaşlıq görüşü keçirməsi nəzərdə tutulurdu. Lakin sonra Azərbaycan klublarının iştirakı ilə mini turnir keçirmək qərara alınmışdır.
Yarışın ilk günü “Rabitə” “Uraloçka” ilə qarşılaşacaqdır. Yanvarın 9-da “Lokomotiv” - “Rabitə” və “Azərreyl” - “Uraloçka” görüşləri keçiriləcəkdir.
Bölmənin digər xəbərləri
