Bakıdakı Rus evinin Ədəbi klubu poeziya müsabiqəsi keçirəcək

18.12.2023 [11:28]
Çap et
A⁺ A^-

Bakı, 18 dekabr, AZƏRTAC

Bakıdakı Rus evinin Ədəbi klubu poeziya müsabiqəsi keçirəcək.

Rusiya İnformasiya-Mədəniyyət Mərkəzinin (RİMM) mətbuat xidmətindən AZƏRTAC-a bildiriblər ki, dekabrın 19-da keçiriləcək poeziya axşamında iki nominasiya üzrə - həm iştirakçıların məxsusi şeirləri, həm də klassiklərin əsərləri təqdim olunacaq.

İştirakçıların yaradıcılığını aralarında Azərbaycan Yazıçılar Birliyinin üzvləri Ələddin Yaqubov və Zəhra Bədəlbəyli, bəstəkar, pedaqoq və vokalçı Qasım Xəlilov, həmçinin bundan əvvəlki poeziya müsabiqəsinin qalibi, ssenarist, dramaturq və rejissor Lalə Əliyeva-Klıçkovanın da olduqları münsiflər heyəti qiymətləndirəcək.

Poeziya axşamı dekabrın 19-da Rus evində - Bakı, Üzeyir Hacıbəyli küçəsi, 77b ünvanında keçiriləcək. Giriş sərbəstdir.