Bakının “Lokomotiv” voleybol komandası Almaniyanın “Alyants Ştutqart” klubuna qalib gəlib
Bakı, 25 noyabr, AZƏRTAC
Noyabrın 25-də Bakının qadın voleybolçulardan ibarət “Lokomotiv” komandası Çempionlar Liqası yarışları çərçivəsində növbəti oyununu keçirib.
AZƏRTAC xəbər verir ki, turnirin üçüncü turunda “Lokomotiv” Azərbaycan Voleybol Mərkəzində Almaniyanın “Alyants Ştutqart” klubunu qəbul edib.
Türkiyəli baş hakim Nurper Özbarın idarə etdiyi oyunun ilk hissəsi “Lokomotiv”in 25:18 hesablı üstünlüyü ilə başa çatıb. Qarşılaşmanın ikinci hissəsində “Lokomotiv” çətinlik çəkmədən qələbə qazanıb - 25:17. “Lokomotiv” üçüncü seti də öz xeyrinə başa vurub - 25:18 .
Beləliklə, görüş “Lokomotiv”in 3:0 hesablı qələbəsi ilə yekunlaşıb.
Çempionlar Liqası yarışlarının “A” qrupunda mübarizə aparan “Lokomotiv” ilk görüşdə “Dinamo Kazan”a 1:3 hesabı ilə məğlub olsa da, Bakının “Azərreyl” komandasına 3:1 hesabı ilə qalib gəlib.
Bölmənin digər xəbərləri
