“BAKU CUP-2007” TURNİRİ BAŞA ÇATIR
Proqrama əsasən, qadınlar arasında “Bakı Cup-2007” ikinci Beynəlxalq tennis turniri sentyabrın 8-də başa çatmalıdır. Ancaq artıq sentyabrın 7-də turnirin ilk qalibləri məlum olmuşdur. Rusiyalılar Vasilisa Davıdova və Avqusta Sibişeva qoşa yarışlarda əsas mükafata layiq görülmüşlər.
AZƏRTAC-ın müxbiri xəbər verir ki, bu duet finala doğru yolda rəqiblərinə bir set belə məğlub olmamışdır. Finalda onlar ukraynalılar Lesya Surenko və Yekaterina Yergina ilə çətin qarşılaşmada qalib gəlmişlər.
Həmin gün gənc Ukrayna tennisçisi Lesya Surenko təkbətək oyunlarda turnirin finalçısı adını qazanmışdır. O, 6:1, 6:0 hesabı ilə Gürcüstan idmançısı Tatiya Mikadzeyə qalib gəlmişdir. Həlledici oyunda Ukrayna tennisçisi yenə də Gürcüstan idmançısı Tinatin Kavlaşvili ilə, - o, üç partiyada həmyerlisi Sofiya Kvatsabaya qalib gəlmişdir, - qarşılaşacaqdır.
Beləliklə, sentyabrın 8-də “Bakı Cup-2007” Beynəlxalq turnirinin qalibləri müəyyən ediləcəkdir.
Bölmənin digər xəbərləri
