BALAKƏNDƏ YEM BİTKİLƏRİNİN TƏDARÜKÜ DAVAM EDİR

11.06.2006 [19:48]
Çap et
A⁺ A^-

Balakən Rayon İcra Hakimiyyətinin aqrar məsələlər şöbəsindən AZƏRTAC- ın müxbirinə bildirmişlər ki, fermerlərin daha çox maraq göstərdiyi heyvandarlıq sahəsini möhkəm yem bazası ilə təmin etmək məqsədi ilə bu il rayonda yem bitkilərinin əkininə diqqət xeyli artmışdır. Hazırda rayonda mövcud olan 18 min hektar əkin sahəsinin 13,1 min hektarını biçənəklər təşkil edir. Cari ildə yem bitkilərinin əkin sahəsi keçən ilə nisbətən 1100 hektar artmışdır.

Aprel-may aylarında havaların yağmurlu keçməsi ot biçinini 10-15 gün gecikdirsə də, ot yığımı sürətlə davam edir. Artıq 12 min tondan çox ot tədarük edilmişdir ki, bu da əvvəlki illə müqayisədə xeyli çoxdur. Yem bitkilərinin tədarükü davam edir.

X-X-X

Balakən Rayon İcra Hakimiyyətindən verilən məlumata görə, bu il rayonun fermer təsərrüfatlarında 4338 hektar sahədə yazlıq bitkilər əkilmişdir. Əkin sahələrinin 714 hektarını tərəvəz (xiyar) bitkiləri təşkil edir. Mövsümün əvvəlindən indiyədək rayonda 7 min tondan çox faraş xiyar yığılmışdır. Məhsul əsasən respublikamızın daxili bazarlarına göndərilir.

Rayonda tərəvəz yığımı davam edir.

BALAKƏNDƏ YEM BİTKİLƏRİNİN TƏDARÜKÜ DAVAM EDİR

MÜƏLLİFLƏ ƏLAQƏ

Bölmənin digər xəbərləri