Balaxanı poliqonunda yaşıllaşdırma işləri davam etdirilir
Bakı, 4 aprel (AZƏRTAC). İqtisadi İnkişaf Nazirliyi və “Təmiz Şəhər” ASC-nin əməkdaşları ekoloji tarazlığın bərpası məqsədilə Balaxanı şəhər tullantılarının zərərsizləşdirilməsi poliqonunda və ətraf ərazidə yaşıllaşdırma işləri aparmışlar.
AZƏRTAC xəbər verir ki, ərazidə minə yaxın ağac və bəzək kolları əkilmişdir.
Qeyd edək ki, Balaxanı poliqonu ərazisində yaşıllaşdırma kampaniyası artıq ənənəvi hal almışdır. 2010-cu ildə poliqonun yaxınlığında bir neçə dəfə yaşıllaşdırma və abadlıq işləri aparılmış, 2 mindən çox ağac və bəzək kolları əkilmişdir.
Belə tədbirlərin gələcəkdə də davam etdirilməsi nəzərdə tutulur.
######
Bölmənin digər xəbərləri
