Balaxanıdakı zavodların fəaliyyəti ictimaiyyət tərəfindən böyük maraqla qarşılanır
Bakı, 19 aprel (AZƏRTAC). “Təmiz Şəhər” ASC Balaxanıdakı bərk məişət tullantılarının yandırılması və çeşidlənməsi zavodlarına ötən ilin əvvəllərindən məlumat turlarına başlamışdır.
ASC-nin mətbuat xidmətindən AZƏRTAC-a bildirmişlər ki, bu zavodların iş prosesi ictimaiyyət tərəfindən böyük maraqla qarşılanır. Təkcə 2013-cü ildə təşkil edilmiş 15 məlumat turunda 500-dən çox ziyarətçi zavodların fəaliyyəti ilə əyani şəkildə tanış olmuşdur.
Bu il də məlumat turlarında iştirak etmək istəyən qurum və təşkilatların, təhsil müəssisələrinin müraciətləri getdikcə artır. Bunu nəzərə alan ASC məlumat turlarını daha intensiv həyata keçirməkdədir. Son üç ay ərzində təşkil olunmuş 10 məlumat turunda 200-dən çox iştirakçı zavodların ümumi iş prinsipi, “Təmiz Şəhər” ASC-nin fəaliyyəti və tullantıların idarə olunması sahəsində baş verən yeniliklərlə tanış olmuşdur.
Məlumat turlarının təşkil edilməsində məqsəd tullantıların düzgün zərərsizləşdirilməsi və emalının verdiyi faydalar haqqında insanları məlumatlandırmaq, onların diqqətini ətraf mühitin mühafizəsinə yönəltməkdir.
Bölmənin digər xəbərləri
