Baş Prokurorluq: Müşfiq Abbasov barədə inzibati həbs növündə tənbeh tədbiri seçilib
Bakı, 23 fevral, AZƏRTAC
Vətəndaş Müşfiq Elman oğlu Abbasov barədə Baş Prokurorluğun Cinayət təqibindən kənar icraatlar idarəsində İnzibati Xətalar Məcəlləsinin 388-1.1.1-ci maddəsi ilə (informasiya ehtiyatında və ya informasiya-telekommunikasiya şəbəkəsində “İnformasiya, informasiyalaşdırma və informasiyanın mühafizəsi haqqında” Azərbaycan Respublikasının Qanunu ilə yayılması qadağan edilən informasiyanın yerləşdirilməsinə yol verilməsinə) inzibati xəta haqqında iş üzrə icraat başlanılıb.
AZƏRTAC xəbər verir ki, bu barədə Baş Prokurorluğun mətbuat xidmətindən sorğulara cavab olaraq bildirilib.
Qeyd edilib ki, iş baxılması üçün aidiyyəti üzrə Yasamal Rayon Məhkəməsinə göndərilib və məhkəmənin 23.02.2026-cı il tarixli qərarı ilə Müşfiq Abbasov barədə 15 gün müddətinə inzibati həbs növündə tənbeh tədbiri seçilib.
Bölmənin digər xəbərləri
