Bayden seçkilərdə iştirakdan imtina etməsi ilə bağlı xalqa müraciət edib
Vaşinqton, 25 iyul, AZƏRTAC
“İrəli getməyin ən yaxşı yolu məşəli yeni nəslə ötürməkdir”. AZƏRTAC-ın məlumatına görə, bu sözləri ABŞ Prezidenti Co Bayden seçki yarışından çəkilməsindən sonra xalqa ilk müraciətində deyib. O çıxışında Prezident kimi Amerika xalqına xidmət etməkdən şərəf duyduğunu bildirib.
“Bir neçə aydan sonra Amerika xalqı Amerikanın gələcək kursunu müəyyən edəcək. Mən seçimimi etdim, öz fikirlərimi bildirdim. Vitse-prezident Kamala Harris təcrübəlidir. O, mənim üçün inanılmaz tərəfdaş və ölkəmiz üçün çox yaxşı liderdir. İndi seçim sizdən, Amerika xalqından asılıdır”, - deyə Bayden bildirib.
Bayden səlahiyyət müddətinin qalan hissəsində icra etmək istədiyi planlarından da danışıb.
Məlahət Nəcəfova
AZƏRTAC-ın xüsusi müxbiri
Vaşinqton
Bölmənin digər xəbərləri
