BBVB-NİN MÜDİRİ YENİDƏN MDB BBA ŞURASININ TƏRKİBİNƏ SEÇİLMİŞDİR
Birjanın informasiya-təhlil şöbəsindən AZƏRTAC-ın müxbirinə bildirmişlər ki, yığıncaqda MDB BBA-nın 2005-ci ildəki fəaliyyətinin nəticələri haqqında illik hesabat təsdiq olunmuşdur. Görüş iştirakçıları MDB ölkələri milli maliyyə bazarlarının vəziyyətini və inkişaf perspektivlərini müzakirə etmişlər. Rusiya Ticarət İttifaqının Fond Birjası BBA-ya üzv qəbul olunmuşdur.
MDB BBA mütəşəkkil maliyyə bazarlarını beynəlxalq standratlara uyğun inkişaf etdirmək sahəsində səyləri əlaqələndirmək məqsədi ilə 2000-ci ildə Moskvada yaradılmışdır. BBA-ya Birliyin 9 ölkəsindən qarşılıqlı maliyyə dövriyyəsinə, valyuta əməliyyatlarına, dövlətin qiymətli kağızlarına, müəssisələrin səhmlərinə xidmət göstərilməsində mühüm rol oynayan 18 birja və 3 depozitari daxildir. BBVB onun həmtəsisçilərindən biridir.
Bölmənin digər xəbərləri
