Berlində keçirilən “Rave The Planet” festivalında onlarla insan xəsarət alıb
Berlin, 14 iyul, AZƏRTAC
Berlində keçirilmiş “Rave The Planet” elektron musiqi festivalında kütləvi xəsarət halları baş verib.
AZƏRTAC “Bild” nəşrinə istinadla bildirir ki, ötən gün təşkil olunan tədbirdə ümumilikdə 89 nəfər təcili tibbi yardım tərəfindən müayinə edilib, onlardan 69-u xəstəxanaya yerləşdirilib. Yağışlı hava şəraitində keçirilən festival zamanı ümumilikdə 400 nəfərə tibbi yardım göstərilib. Yaralanmaların əsas səbəbləri alkoqol və narkotik istifadəsi ilə bağlı olub, bəzi hallarda bədənə xəsarət yetirilməsi faktı da qeydə alınıb. Bir neçə şəxs təhlükəli vəziyyətdə olub, lakin xəsarətlərin dəqiq xarakteri barədə məlumat verilməyib.
Hadisə ilə bağlı şəhər üzrə təcili yardım resurslarının demək olar ki, tam səfərbər edildiyi, könüllü xidmətlərin dəstəyi olmasa, vəziyyətin daha ağır ola biləcəyi qeyd edilib.
Berlinin mərkəzində - Brandenburq qapısı yaxınlığında keçirilmiş festivala təşkilatçıların məlumatına görə, 200 min nəfər iştirak edib. Ötənilki festivala 300 minə yaxın iştirakçı qatılmış, təxminən 600 nəfərə tibbi yardım göstərilmişdi.
Elvin Mövsüm
AZƏRTAC-ın xüsusi müxbiri
Berlin
Bölmənin digər xəbərləri
