“BEYNƏLXALQ HUMANİTAR HÜQUQ VƏ İNSAN HÜQUQLARI” MÖVZUSUNDA KURSLAR KEÇİRİLMİŞDİR

16.05.2006 [19:24]
Çap et
A⁺ A^-

AZƏRTAC xəbər verir ki, Bakıda İsveçrə İnkişaf və Əməkdaşlıq Agentliyi (SDC), eləcə də ali təhsilli şəxslər üçün Cenevrə Beynəlxalq Tədqiqatlar İnstitutunun təşəbbüsü ilə Azərbaycan Respublikasının Prezidenti yanında Dövlət İdarəçilik Akademiyasında “Beynəlxalq humanitar hüquq və insan hüquqları” mövzusunda kurslar keçirilmişdir. İctimai əlaqələrin idarə olunmasında şəffaflığı və məsuliyyəti təmin etmək məqsədi daşıyan kurslarda Azərbaycan və Gürcüstanın müxtəlif dövlət qurumlarının nümayəndələri iştirak etmişlər.

Beynəlxalq insan hüquqları, beynəlxalq humanitar hüquq, beynəlxalq danışıqlar və diplomatiya bölmələrindən ibarət kurslarda insan hüquqları və beynəlxalq humanitar hüquq sahələrində böyük təcrübəyə malik mütəxəssislərin, Cenevrə Beynəlxalq Tədqiqatlar İnstitutu beynəlxalq hüquq fakültəsi professorlarının mülahizələri dinlənilmişdir.

Sonda iştirakçılar müsabiqədən keçərək, sertifikat almışlar.