BEYNƏLXALQ İKT SƏRGİSİNDƏ DÜNYANIN 120 ŞİRKƏTİ İŞTİRAK EDƏCƏKDİR
Rabitə və İnformasiya Texnologiyaları Nazirliyindən AZƏRTAC-a bildirmişlər ki, iştirakçılar arasında Fransanın «Alcatel», İcveçrənin 3M, ABŞ-ın «ADVANTEK», «Cisco Sistems», Almaniyanın «Siemens», Azərbaycanın «Azercell», «Bakcell», «Azeurotel», Azərbaycan Beynəlxalq Bankı və başqa şirkətlər vardır. Sərgidə şirkətlər telekommunikasiya və şəbəkələr, informasiya, bank, ofis, kabel, simsiz rabitə və peyk rabitəsi texnologiyaları, təhlükəsizlik sistemləri və xidmətləri, geniş zolaqlı rabitə və s. ilə bağlı stendlər nümayiş etdirəcəklər.
Böyük Britaniyanın «İTE Group» sərgi şirkətinin Qafqazdakı eksklüziv tərəfdaşı «İteca Caspian»ın təşkilatçılığı ilə keçirilən sərgini rabitə və informasiya texnologiyaları, iqtisadi inkişaf nazirlikləri, Ticarət və Sənaye Palatası, Azərbaycanda İxracın və İnvestisiyaların Təşviqi Fondu (Azpromo), TUSİAB və Sahibkarlar (İşəgötürənlər) Təşkilatları Milli Konfederasiyası dəstəkləyirlər.
Bölmənin digər xəbərləri
