BEYNƏLXALQ KANN FESTİVALINDA TÜRK FİLMİ LİDERLƏR SIRASINA ÇIXMIŞDIR

22.05.2006 [19:03]
Çap et
A⁺ A^-

AZƏRTAC-ın İTAR-TASS-dan aldığı xəbərə görə, mayın 22-də, 59-cu Beynəlxalq Kann kinofestivalının altıncı günü liderlərin ilk üçlüyündə dəyişiklik baş vermişdir. Festivalın qeyri-rəsmi xarakter daşıyan reytinqində çoxlarının gözləmədiyi halda ikinci yerə türk rejissoru Nuri Çeylanın “İqlim” filmi çıxmışdır. Kinoforumun baş müsabiqəsində iştirak edən bu film bazar günü axşam göstərilmişdir.

Məhəbbətdən bəhs edən “İqlim” lenti 2,8 bal almış və beləliklə, britaniyalı rejissor Andrea Arnoldun “Qırmızı yol” filmini (2,5 bal) geridə qoymuşdur.

İspaniya rejissoru Pedro Almodovarın “Volver” filmi 3,4 balla birinci yerdə qalmaqdadır. Ken Loaçın epik mövzuda “Külək qalxır” filmi 2,4 balla dördüncü yerə keçmişdir. Reytinqdə sonuncu yeri amerikalı rejissor Riçard Kellinin “Cənub nağılları” filmi tutur – 1,1 bal.

Qələbəyə potensial namizədlərdən biri – italyan rejissoru Nanni Morettinin “Kayman” filmi festivalda bazar ertəsi axşam göstərilmişdir.

BEYNƏLXALQ KANN FESTİVALINDA TÜRK FİLMİ LİDERLƏR SIRASINA ÇIXMIŞDIR

MÜƏLLİFLƏ ƏLAQƏ

Bölmənin digər xəbərləri