Beynəlxalq Nəqliyyat Forumu Azərbaycanın fövqəladə sessiyaya sədrliyini yüksək qiymətləndirib
Bakı, 3 fevral, AZƏRTAC
Parisdə Beynəlxalq Nəqliyyat Forumunun (BNF) Nəqliyyatı İdarəetmə Şurasının fövqəladə sessiyası keçirilib.
Rəqəmsal İnkişaf və Nəqliyyat Nazirliyindən (RİNN) AZƏRTAC-a bildirilib ki, Beynəlxalq Nəqliyyat Forumu Azərbaycanın sözügedən tədbirə sədrliyini yüksək qiymətləndirib.
İclasdan sonra BNF-nin sosial media hesabında paylaşılan açıqlamada iclasın uğurla idarə olunmasına və müzakirələrin səmərəli şəkildə yönləndirilməsinə görə Azərbaycana xüsusi minnətdarlıq ifadə edilib.
Fövqəladə sessiya nəqliyyat siyasəti üzrə dialoq üçün mühüm platforma rolunu oynayıb və ölkəmizin bu sahədə beynəlxalq əməkdaşlığa sadiqliyini növbəti dəfə nümayiş etdirib.
Məlumat üçün bildirək ki, Azərbaycanın BNF-yə prezidentliyi 6-8 may 2026-cı il tarixlərində “Dayanıqlı nəqliyyatın maliyyələşdirilməsi” mövzusunda keçiriləcək sammitlə yekunlaşacaq. BNF-yə prezidentlik ölkəmizin qlobal nəqliyyat siyasətinin formalaşdırılmasındakı rolunu daha da möhkəmləndirəcək.
Bölmənin digər xəbərləri
