BEYNƏLXALQ QADIN FESTİVALININ AÇILIŞINA HƏSR OLUNMUŞ MƏTBUAT KONFRANSI KEÇİRİLMİŞDİR
Ailə, qadın və uşaq problemləri üzrə Dövlət Komitəsi sədrinin müavini Sədaqət Qəhrəmanova tədbiri açaraq ölkəmizdə bu mövzuda ilk dəfə keçirilən Festivalın məqsədindən danışmışdır. Bildirmişdir ki, tədbir təkcə qadının sağlamlığını və gözəlliyini əhatə etməyəcək, eyni zamanda onun cəmiyyətdəki rolu məsələsinə də müəyyən aydınlıq gətirəcəkdir.
Şirkətin direktoru Səməd Mirzəyev Festivalın təşkili və keçirilməsi barədə ətraflı məlumat vermişdir. Vurğulamışdır ki, Bakı İdman Sarayında keçiriləcək Festivalda İtaliyadan, Fransadan, Almaniyadan, Rusiyadan 20 şirkət, eləcə də bizim ətriyyat firmalarımız, “Sabina” mağazalar şəbəkəsi, kosmetika və sağlamlıq mərkəzləri iştirak edəcəklər. Ən başlıcası isə, pavilyonlarda Azərbaycanda istehsal olunmuş kosmetika məhsulları təqdim olunacaqdır.
Festival 2 gün – oktyabrın 6-da və 7-də davam edəcəkdir.
Tədbiri Gənclər və İdman Nazirliyi, Səhiyyə Nazirliyi, “Placard”, “Fleksible Solutions” və “Qazelli” şirkətləri keçirirlər.
Bölmənin digər xəbərləri
