Beynəlxalq Valyuta Fondu Ukraynada yeni EFF proqramının hazırlanmasına başlayıb
Bakı, 17 noyabr, AZƏRTAC
Beynəlxalq Valyuta Fondunun (BVF) missiyası bu gün Ukraynada hökumət nümayəndələri ilə birlikdə yeni Genişləndirilmiş Fond Mexanizmi (EFF) proqramının hazırlanması üzrə işə başlayıb.
AZƏRTAC Ukraynanın Ukrinform agentliyinə istinadla xəbər verir ki, bu barədə BVF-nin Ukraynadakı rezident nümayəndəliyi məlumat yayıb. BVF-nin Ukraynadakı rezident nümayəndəsi Prişila Tofano bildirib ki, missiyanın əsas diqqət mərkəzində hökumətin iqtisadi siyasətinin qiymətləndirilməsi, idarəetmənin gücləndirilməsi, korrupsiya ilə mübarizə və iqtisadi artımı dəstəkləyən struktur islahatlarının nəzərdən keçirilməsi dayanacaq.
Qeyd olunub ki, Ukrayna hökuməti sentyabr ayında BVF-yə yeni maliyyələşdirmə proqramına başlamaq üçün rəsmi müraciət göndərib.
Bölmənin digər xəbərləri
