BİLƏSUVARLI FERMERLƏR DAHA ƏKİN SUYUNDAN KORLUQ ÇƏKMƏYƏCƏKLƏR
Biləsuvarda, digər rayonlardan fərqli olaraq, əkin sahələrinin 80 faizə qədəri mexaniki üsulla suvarılır. Su tarlalara yalnız nasos stansiyaları vasitəsilə çıxarılır. Bəzən əkinlərə eyni səviyyədə su çatdırmaq mümkün olmur ki, bu da məhsuldarlığa mənfi təsir göstərir. Problemin həllinə çox güclü 3 yeni dizel mühərriki alıb işə salmaqla nail olmuşlar. Onlardan ikisi 96 və 99 nömrəli nasos stansiyalarında işə salınmışdır ki, bu da 1500 hektar əkin sahəsini suvarılmağa imkan verəcəkdir. 74 nömrəli stansiyada quraşdırılan üçüncü mühərrik isə 6 kəndin 2700 hektar əkin sahəsini su ilə təmin edəcəkdir.
Rayon icra hakimiyyətinin məlumatına görə, suvarılma imkanları yaxşılaşdırılmış əkin sahələrinin 70 faizi özəlləşdirilmiş, qalanları isə dövlət bölməsinə məxsus torpaqlardır. İndi dövlət torpaqları da müxtəlif müddətlərə icarəyə verilir. Ümumiyyətlə, rayon üzrə yazlıq əkinlər üçün 18 min hektar keyfiyyətli şum aparılmış, suvarma kanalları mövsümə hazırlanmışdır.
Bölmənin digər xəbərləri
