Biz istəyirik ki, Xocalı soyqırımının təqsirkarları qanunun bütün ciddiliyi nəzərə alınmaqla cəzalandırılsınlar
Bakı, 26 fevral (AZƏRTAC). Biz istəyirik ki, Xocalı soyqırımının təqsirkarları qanunun bütün ciddiliyi nəzərə alınmaqla cəzalandırılsınlar. Onlar harada olur-olsunlar, bu adamları tapmaq və məsuliyyətə cəlb etmək lazımdır.
Bu sözləri Xocalı soyqırımının 20-ci ildönümü ilə əlaqədar Bakıda keçirilmiş izdihamlı yürüşün iştirakçısı Mehriban Nağıyeva AZƏRTAC-ın müxbiri ilə söhbətində demişdir.
M.Nağıyeva demişdir: “Bu faciədən sonra biz başa düşdük ki, erməni millətçiləri azərbaycanlılara qarşı nə qədər qəddar və məkrlidirlər. Ermənilərin balaca uşaqları, köməksiz qocaları vəhşicəsinə öldürməsi onların qeyri-insani təbiətinə dəlalət edir”.
Xatırladaq ki, bu gün Bakıda keçirilmiş ümumxalq yürüşündə 60 mindən çox adam iştirak etmişdir. Azadlıq meydanından başlanmış yürüş Xocalı faciəsi qurbanlarının xatirə memorialı önündə başa çatmışdır.
Bölmənin digər xəbərləri
