Biz onları həmişə qəlbimizdə yaşadacağıq
Bakı, 26 fevral, AZƏRTAC
Xocalı faciəsindən artıq 23 il ötür. Biz 1992-ci il fevralın 25-dən 26-na keçən gecə Xocalıda baş verən bu qanlı hadisələri heç vaxt unuda bilmərik. Bu anaların və uşaqların fəryadıdır.
Bu fikirləri fevralın 26-da Xocalı soyqırımı qurbanlarının xatirəsinə ucaldılmış abidəni ziyarət edən 221 nömrəli məktəbin doqquzuncu sinif şagirdi Aydan Hüseynova AZƏRTAC-a müsahibəsində deyibdir.
A.Hüseynova deyib ki, bu soyqırımı nəticəsində 63-ü azyaşlı uşaq, 106-sı qadın, 70-i qoca olmaqla - 613 Xocalı sakini işgəncə ilə qətlə yetirilib, 487 nəfər yaralanıb, 1275 dinc sakin isə əsir düşüb. Bu bizim qan yaddaşımızdır. Əlimdə tutduğum şəkil Xocalıda öldürülən uşaqlardan birinin şəklidir. Biz onları həmişə qəlbimizdə yaşadacağıq.
Bölmənin digər xəbərləri
