Blinken Serbiya-Kosovo gərginliyinin azaldılmasının vacibliyini vurğulayıb
Belqrad, 30 sentyabr, AZƏRTAC
Serbiya Prezidenti Aleksandar Vuçiç ilə ABŞ dövlət katibi Antoni Blinken arasında telefon danışığı olub.
AZƏRTAC xəbər verir ki, söhbət zamanı son dövrlərdə Serbiya və Kosovo arasında artan gərginlik müzakirə edilib.
Antoni Blinken tərəfləri normallaşma istiqamətində lazımi addımları atmağa, gərginliyi azaltmağa və diplomatik səyləri davam etdirməyə çağırıb. O, Avropa İttifaqının vasitəçiliyi ilə həyata keçirilən dialoq çərçivəsində normallaşma sazişi üzrə öhdəliklərin yerinə yetirilməsinin vacibliyini vurğulayıb.
Serbiya Prezidenti isə telefon söhbətinin asan keçmədiyini, ABŞ dövlət katibi ilə Belqrad-Priştina gərginliyinin azaldılması mövzusunda həmfikir olduqlarını, NATO-nun Kosovodakı Sülhməramlı Qüvvələrinin (KFOR) bölgədəki fəaliyyətinin əhəmiyyətini qeyd edib.
Nihad Budaqov
AZƏRTAC-ın xüsusi müxbiri
Belqrad
Bölmənin digər xəbərləri
